031 పరవశం

031 పరవశం

మబ్బు మురిసింది

వర్షం కురిసింది

పుడమి పులకించింది

మట్టి వాసన గుబాళించింది

నెమలి నాట్యమాడింది

ఆనంద తాండవమాడుతున్న ప్రకృతి

తాదాత్మ్యతతో రమిస్తోంది

ఈ పురుషుడు ఆ ప్రకృతి తో

మమేకమవుతున్నాడు

ఆనందం !

పరమానందం !!

నిరతిశాయానందం !!!

'జయ' శ్రావణ శుక్ల పాడ్యమి

27July2014

వీణ Birthday

030 పండు వెన్నెల

030 పండు వెన్నెల 

అందమైన నీ ఊహలలో 

విహరిస్తున్న నా మనస్సు కి 

ఈ వెన్నెల రేయి 

మరింత అందంగా అగుపించింది 

నా గుప్పెడు గుండె లో 

నిండుగా ఒదిగిన నీవు 

నాకే చోటు లేనంతగా 

నా హృదయ సామ్రాజ్యాన్ని 

ఆక్రమించుకోవడం 

బాగుంది...... 

ఎంతో బాగుంది..... 

12July2014

ఆషాడ పౌర్ణమి (గురు పౌర్ణమి) నాడు చందమామ ని పండు వెన్నెల ని ఆస్వాదిస్తూ....   

029 तन्हाई

29 तन्हाई 

ठंडी सी ये हवा में 

तन्हाई में घूमते हुए हम 

काश मेरी  मेहबूबा रहती 

नजदीक हमारी 

जन्नत को ठुकराते थे हम !

028 అలసిన దేవేరి

028 అలసిన దేవేరి 

నిదుర దూరమైన 

ఈ ఒంటరి పయనం 

తనని పదే పదే జ్ఞప్తి కి తేగా ....... 

నిదుర మరింత 

కరవైన ఈ నిశి రాత్రి వేళ ......... 

నీలాల నింగి లోని 

ఓ చందమామ!

తననైనా కాస్త 

నిద్రపుచ్చవూ?..... 

Hyd to Tirupati_23April2014_2:20AM

(కలలలజడికి నిద్దుర కరవై అలసిన దేవేరి అలమేల్మంగకు ...... అన్న 'సిరివెన్నెల' వారి శృతి లయలు పాట స్ఫూర్తి తో ఒక చిన్న కవిత) 

027 ఈ జాబిలి ... ఈ వెన్నెల.....

ఈ జాబిలి ... ఈ వెన్నెల.....



రాముడి వర్ణం
పులుముకున్న ఆకాశం

నేటికి సూర్యుడిని
సాగనంపింది (సూర్యాస్తమయం)

అల్లరి ఆలోచనలు
రేపే తుంటరి చందమామ
వచ్చే వేళయ్యింది

నా హృదయ సామ్రాజ్య
పట్ట మహిషి నుండి
దూరంగా వెళుతున్న నేను

వెన్నెల రేడు తో
ఈ రాత్రి
ఎలా వేగాలో ......?

Mbnr to Sec'bad - Thungabhadra express - 09March2014 - 6:15PM 

026 ఒంటరి పయనం

ఒంటరి పయనం


లేత నీలం నుండి
మెల్లగా మెల మెల్లగా
ముదురు నీలం లోకి
మారుతున్న ఆకాశం

నా ఆలోచనలని కూడా
అలా మారుస్తున్న వేళ

తనని వీడి చేస్తున్న
ఒంటరి పయనం......

తననుండి దూరంగా వెళుతున్న కొద్దీ

ఆలోచనల నిండా తనని నింపుకుని
మానసికంగా మరింత చేరువవుతూ ......

ఏకమవుతూ....
మమేకమవుతూ

చేస్తున్న
ఒంటరి పయనం

బాగుంది
ఎంతో బాగుంది ......

Mahaboobnagar to Secunderabad - Thungabhadra express - 28Feb2014 - 6:32PM

025 చెలి నగు మోము

చెలి నగు మోము

(కృష్ణ) చవితి నాటి 

చందమామని చూస్తే .....

కొంగు చాటున 

తన మొహంలా 

అనిపించిందేమో?

మరింత అందంగా

కనిపించింది!!

-- 
Vamsi