034 అందమే ఆనందం

12 April 2015

’మన్మథ’ చై బ అష్టమి

అందమే ఆనందం

మండు వేసవి

ఎండలు తాళ లేక

సూరీడు సెలవు పెట్టాడు

సకాలంలో బాధ్యతలు

చేపట్టిన వరుణుడు

జోరుగా అకాల వర్షాలు కురిపించేశాడు

ప్రకృతి లయ తప్పినా

అందమే.....

ఆనందమే.........

033 అందమైన వెన్నెల లోన

అందమైన వెన్నెల లోన

ఆలోచనా భారం తో అలసిన 

శనివారపు సంధ్య వేళ ,

నిండు పున్నమి జాబిలి

గిలిగింతల చలి గాలి 

నను సేద తీర్చాయి 

తల్లి ఒడిలో 

చంటి పిల్లాడిలా 

ప్రకృతి మాత ఒడిలో 

ఒదిగిపోతూ 

పరవశిస్తూ 

మైమరచిపోతూ ....... 

నేను. 

06 డిసెంబర్ 2014 -  కాలేజి నుండి ఇంటి కి వస్తూ నిండు పున్నమి చంద్రుడి ని చూచినా పారవశ్యం లో ...........  

032 శరదభ్రం

                                                                    8 Oct 2014, 7:00PM

                                                                   ‘’జయ’’ ఆశ్వీయుజ పౌర్ణమి

                                                                    చంద్ర గ్రహణం వేళ కాలేజి నుండి ఇంటి కి వస్తూ.....

                                                  

శరదభ్రం

చంద్ర గ్రహణం

మనసు స్తంభించింది

గ్రహణం ముగిసింది

పరవళ్ళు తొక్కింది ఆలోచనా ఝరి

శరత్కాలపు వినీలాకాశంలో

మేఘాల విన్యాసం

మబ్బు చాటున చంద్రుడు

మబ్బుల ఱేడు దాగినా అందమే !!!

నిండు పున్నమి జాబిలి

కురిపిస్తున్న వెన్నెల వర్షం లో

చకోర పక్షినై ఓలలాడుతున్న వేళ

మనసు చంద్రుడి లో లీనమై

ఆ అద్వైత స్థితిలో

ఆ పారవశ్యంలో

ఆలోచన ఆగిపోయింది

మనసు స్తంభించింది.......

031 పరవశం

031 పరవశం

మబ్బు మురిసింది

వర్షం కురిసింది

పుడమి పులకించింది

మట్టి వాసన గుబాళించింది

నెమలి నాట్యమాడింది

ఆనంద తాండవమాడుతున్న ప్రకృతి

తాదాత్మ్యతతో రమిస్తోంది

ఈ పురుషుడు ఆ ప్రకృతి తో

మమేకమవుతున్నాడు

ఆనందం !

పరమానందం !!

నిరతిశాయానందం !!!

'జయ' శ్రావణ శుక్ల పాడ్యమి

27July2014

వీణ Birthday

030 పండు వెన్నెల

030 పండు వెన్నెల 

అందమైన నీ ఊహలలో 

విహరిస్తున్న నా మనస్సు కి 

ఈ వెన్నెల రేయి 

మరింత అందంగా అగుపించింది 

నా గుప్పెడు గుండె లో 

నిండుగా ఒదిగిన నీవు 

నాకే చోటు లేనంతగా 

నా హృదయ సామ్రాజ్యాన్ని 

ఆక్రమించుకోవడం 

బాగుంది...... 

ఎంతో బాగుంది..... 

12July2014

ఆషాడ పౌర్ణమి (గురు పౌర్ణమి) నాడు చందమామ ని పండు వెన్నెల ని ఆస్వాదిస్తూ....   

029 तन्हाई

29 तन्हाई 

ठंडी सी ये हवा में 

तन्हाई में घूमते हुए हम 

काश मेरी  मेहबूबा रहती 

नजदीक हमारी 

जन्नत को ठुकराते थे हम !

028 అలసిన దేవేరి

028 అలసిన దేవేరి 

నిదుర దూరమైన 

ఈ ఒంటరి పయనం 

తనని పదే పదే జ్ఞప్తి కి తేగా ....... 

నిదుర మరింత 

కరవైన ఈ నిశి రాత్రి వేళ ......... 

నీలాల నింగి లోని 

ఓ చందమామ!

తననైనా కాస్త 

నిద్రపుచ్చవూ?..... 

Hyd to Tirupati_23April2014_2:20AM

(కలలలజడికి నిద్దుర కరవై అలసిన దేవేరి అలమేల్మంగకు ...... అన్న 'సిరివెన్నెల' వారి శృతి లయలు పాట స్ఫూర్తి తో ఒక చిన్న కవిత)