July 31, 2011
10 స్నేహమే రా జీవితం
సూక్తులు, సుభాషితాలు,
సూచనలు,
సలహాలు
అప్రతిహతంగా వెలువడుతున్నాయి
బయలు దేర వలసిన సమయం
ఆసన్నమైంది
మాటల ప్రవాహం మందగించింది
మనస్సు మూగదైన వేళ
కళ్ళు మౌనంగా మాట్లాడుకున్నాయి
పర్యవసానం
ఒక కరచాలనం,
ఒక చిరు కౌగిలి
అయిష్టంగానే చేయి వీడుకోలు పలికింది
బాధ్యత పరుగిడమంటోంది
బంధం ఆగమంటోంది
రెండింటికీ రాజీ కుదర్చలేక
భారంగా వాడు అడుగులు వేస్తుంటే...
ఇద్దరి మధ్య పెరుగుతున్న దూరం
పెంచింది మనస్సులో ఉద్వేగం
మళ్ళీ వస్తాడన్న ఆనందమో
వదిలి వెళుతున్నాడన్న బాధో
తెలియదు కానీ
కంటి చివర చిన్న బాష్పం.
(ఆప్త
మిత్రుడు కందాళం శ్రీకాంత్ దుబాయ్ పయనమవుతున్న వేళ shamshabad air port లో....)
